ထွက်ပြေးရောက်ရှိလာသူ တရားခံ(၃)ဦး အား ဇွန်လ(၂)ရက်နေ့က တာချီလိတ်ခရိုင်/မြို့နယ်ရဲတပ်ဖွဲ့မှ ရှာဖွေဖမ်းဆီးနိုင်ခဲ့ပြီး ယနေ့ ၂၀၁၄ခုနှစ် ဇွန်လ(၂၅)ရက် နံနက်(၈း၃၀)နာရီအချိန်က ထိုင်း - မြန်မာ နယ်ခြားဆက်ဆံရေးရုံး(Border Liaison Office - BLO )အဖွဲ့ဖြင့် တာချီလိ
တ်မြို့ အမှတ်(၁)ချစ်ကြည်ရေးတံတားမှတဆင့် တစ်ဖက်ထိုင်းနိုင်ငံသို့ လွှဲပြောင်းပေးအပ်ခဲ့ကြသည်။
အဆိုပါ လွှဲပြောင်းပေးအပ်ပွဲသို့ BLO အဖွဲ့ဝင်များဖြစ်ကြသည့် တာချီလိတ်ခရိုင်ရဲတပ်ဖွဲ့မှူး ဒုတိယရဲမှူးကြီးဝင်းထွန်း ၊ ခရိုင်လူဝင်မှုကြီးကြပ်ရေးနှင့်အမျိုးသားမှတ်ပုံတင်ရေးဦးစီးဌာန
ဒုတိယညွှန်ကြားရေးမှူး ဦးကျော်စွာလွင် နှင့် တာဝန်ရှိသူများ ၊ ထိုင်းနိုင်ငံ ချင်းရိုင်းခရိုင် လူဝင်မှု
ကြီးကြပ်ရေး ရဲမှူးကြီး စစ်စီလီဝုန်းကုန်စွန်း ၊ မယ်ဆိုင်မြို့ပိုင် နိုင်းဆုံမ်ချိုင်းရွန့်ဆာခွမ်း ၊ မြန်မာ-ထိုင်း နယ်ခြားကော်မတီတို့မှ တာဝန်ရှိသူများ ၊ နှစ်နိုင်ငံ သတင်းမီဒီယာများ တက်ရောက်ကြပြီး ရှေးဦးစွာ နှစ်နိုင်ငံတာဝန်ရှိသူများသည် ချစ်ကြည်ရေးတံတား အမှတ်(၁)ရှိ အစည်းအဝေးခန်းမတွင် လွှဲပြောင်း လက်ခံ စာချွန်လွှာအား လက်မှတ်ရေးထိုးကြပြီးနောက် တရားခံ (၃)ဦးအား အမှတ်(၁) ချစ်ကြည်ရေးတံတားပေါ်တွင် လွှဲပြောင်း-လက်ခံရယူကြသည်။
အဆိုပါတရားခံ(၃)ဦးဖြစ်ကြသည့် ပါဝှေ့ယုဒရား (ခ) နိုင်ပရစ်ယုထရား (အသက် ၂၆ နှစ်)
မွန်ထင် (ခ) နိုင်းမွန်းထျဲန်းစုံထိချိုင်းဝရာနွန်း ( အသက် ၂၈ နှစ်) မနွန်းစပါး (ခ) နန်းဆောင်နွတ်
စပါးစင်ထရု (အသက် ၂၀နှစ်)တို့သည် ထိုင်းနိုင်ငံ ဘန်ကောက်မြို့တွင် လူသတ်မှုကျူးလွန်လာပြီး တာချီလိတ်မြို့နယ် လွယ်တော်ခမ်းကျေးရွာအုပ်စု နာဂျဲကျေးရွာသို့ ထွက်ပြေးတိမ်းရှောင်ခို လှုံနေခဲ့ကြရာ ထိုင်းနိုင်ငံ တာဝန်ရှိသူများမှ ကူညီစုံစမ်းပေးပါရန် မေတ္တာရပ်ခံချက်အရ မြန်မာနိုင်ငံဖက်မှ တာဝန်ရှိသူများသည် ၎င်းတို့ပုန်းခိုနေထိုင်ရာ အနီးတ၀ိုက်အား ဇွန်လ(၂) ရက် နံနက်(၁၀း၃၀)နာရီ အချိန်တွင် ပိုက်စိပ်တိုက် ရှာဖွေဖမ်းဆီးနိုင်ခဲ့ပြီး တာချီလိတ်မြို့မရဲစခန်း၌ နေ့လည် (၂း၃၀)နာရီအချိန်တွင် ထိန်းသိမ်းထားခဲ့ကြသည်။
ယင်းနောက် တာချီလိတ်မြို့နယ်တရားရုံးသို့ တရားစွဲတင်ပို့ခဲ့ရာ မြို့နယ်တရားရုံးမှ ပြစ်မှုဆိုင်ရာ အမှုကြီးအမှတ် ၂၀၅၃/၂၀၁၄ဖြင့် တရားစွဲဆိုခဲ့ကာ ၁၉၄၇ခုနှစ် မြန်မာနိုင်ငံလူဝင်မှုကြီးကြပ်ရေး (လတ်တလောပြဌာန်းချက်များ) အက်ဥပဒေ ပုဒ်မ ၁၃(၁) အရ တစ်ဦးလျှင် ဒဏ်ငွေ ကျပ်နှစ်သိန်း ပေးဆောင်စေရန်နှင့် ဒဏ်ငွေမဆောင်က ထောင်ဒဏ် ၆ လ ကျခံစေရန် ဇွန်လ(၂၃)ရက်နေ့က အမိန့်ချမှတ်ခဲ့ရာ တရားခံများမှ ဒဏ်ငွေပေးဆောင်ခဲ့ပြီးနောက် အဆိုပါတရားခံ(၃)ဦးအား BLO အစီအစဉ်အရ ထိုင်းနိုင်ငံ တာဝန်ရှိသူများထံသို့ ယနေ့တွင် လွှဲပြောင်းပေးအပ်လိုက်ခြင်းဖြစ်ကြောင်း သိရသည်။
ယင်းအပြင် အဆိုပါ တရားခံ(၃)ဦးအား လက်ခံနေထိုင်ခွင့်ပြုသူ အိမ်ရှင် ဖြစ်သူ ဦးအောင်ကျော်အား တရားဥပဒေအရ ပြစ်ဒဏ်အဖြစ် ထောင်ဒဏ်(၆)လ ချမှတ်လိုက်ကြောင်းလည်း သိရှိရသည်။
သတင်း။ ။ ကိုဇောင်း၊ မောင်ယဉ်ကျေး
တာချီလိတ် သတင်းဌာန
0 comments:
Post a Comment