မိုးရာသီတွင် အရေပြား ကျန်းမာလှပမှုကို ထိန်းသိမ်းရန် နည်းလမ်းများ

မိုးရာသီတွင် အရေပြား ကျန်းမာလှပမှုကို ထိန်းသိမ်းရန် နည်းလမ်းများ

18 July 2013  |

အိန္ဒိယနိုင်ငံ မွမ်ဘိုင်းမြို့ Goel’s Cutis အရေပြား စောင့်ရှောက် ကုသမှု စတူဒီယိုမှ လေဆာ ရောင်ခြည် ခွဲစိတ်ကု ဆရာဝန်၊ အလှအပနှင့် အရေပြားရောဂါ အထူးကု ဆရာဝန်ကြီး Dr. Apratim Goel (M.D, D.N.B, F.AG.E ) ၏ မိုးရာသီ၌ အရေပြား ကျန်းမာ လှပမှုကို ထိန်းသိမ်းခြင်းနှင့် ပတ်သက်သော ပြောပြချက်များကို ဆီလျော်အောင် ဘာသာပြန် တင်ဆက်ပေးခြင်း ဖြစ်ပါသည်။
အခုအချိန်ဟာ ပူပြင်းခြောက်သွေ့တဲ့ နွေရာသီကို မကြိုက်တဲ့သူတွေ စောင့်စား ကြိုဆိုခဲ့ကြတဲ့ မိုးရာသီ ဖြစ်ပါတယ်။ သည်းထန်တဲ့ မိုးစက်တွေက အပြင်ထွက်တိုင်း ထီးဆောင်သွားဖို့နဲ့ နေမကောင်း လို့ အိမ်မှာ စောင်ခြုံ ကွေးရနိုင်တဲ့ နေ့ရက်တွေအကြောင်း ကျွန်မတို့ကို သတိပေး လိုက်ပါပြီ။ ခြောက်သွေ့ ပူလောင်တဲ့ နွေကာလကို လွန်မြောက်လာပြီး မိုးစက်တွေကို စမြင်ရတော့ ကျွန်မတို့က စိတ်သက်သာရာ ရခဲ့တယ်ပေါ့နော်။ ဒါပေမဲ့ မိုးရာသီဟာ ခြစ်ခြစ်တောက်ပူတဲ့ နွေဒဏ်ကို သက်သာ စေတဲ့ အကောင်းတွေကိုသာမက တုပ်ကွေးနဲ့ အသက်ရှူလမ်းကြောင်း ပိုးဝင်မှု အနာ အဖျားတွေ၊ ဝမ်းပျက်ရောဂါတွေ အပါအဝင် မြောက်မြားစွာသော ကျန်းမာရေး အဆိုးတွေကိုပါ သယ်ဆောင် လာပါတယ်။ အရေပြားရဲ့ ကျန်းမာ လှပမှုကိုလည်း ထိခိုက်စေမယ့် ပြဿနာအသစ် အချို့ အပါအဝင် ပေါ့။
တစ်နေ့တစ်နေ့ မိုးရေစိုစို၊ အဝတ်အစား စိုစိုတွေနဲ့ အချိန်ကြာကြာ ထိတွေ့နေရပြီး စိုလိုက် ခြောက်လိုက် သံသရာ လည်နေရပါတယ်။ ရေကြီးနေတဲ့အခါမှာ ညစ်ပတ်တဲ့ ရေဆိုးတွေထဲ ခြေထောက်က ဖြတ်သွားရတဲ့ အခါမျိုးလည်း ရှိနိုင်ပါတယ်။ ပတ်ဝန်းကျင် လေထုရဲ့ စိုထိုင်းဆ (Humidity) ကလည်း တောက်လျောက်ကို မြင့်မားနေတဲ့ အနေအထား ဖြစ်ပါတယ်။ ဒီလိုအခါမှာ နေရထိုင်ရ သက်သောင့်သက်သာ မရှိသလို အရေပြား ကျန်းမာရေး ထိခိုက်မှုတွေ ဖြစ်လာစေဖို့ တိုက်ရိုက် အားပေးပါတယ်။ မြင့်မားတဲ့ ပတ်ဝန်းကျင် လေထု စိုထိုင်းဆဟာ ဂရုစိုက်မှု နည်းပါးတဲ့ အရေပြားပေါ်မှာ ဗက်တီးရီးယား၊ မှိုပိုးနဲ့ အခြား ရောဂါပိုးများစွာ အတွက် ပေါက်ပွားဖို့ အထူး အလျဉ်း သင့်တဲ့ အခြေခံ အကြောင်းတရား ဖြစ်ပါတယ်။
နေရောင်ပြင်းအား နည်းပါးတဲ့ မိုးရာသီမှာ အရေပြားကို ထိန်းသိမ်း အားဖြည့်ဖို့ မလိုအပ်ဘူးလို့ လူအများစုက ယူဆတတ်ကြပါတယ်။ သဘာဝပတ်ဝန်းကျင် ယိုယွင်းလာတဲ့ခေတ်မှာ မိုးရေဟာ ရာနှုန်းပြည့်နီးပါး သန့်စင်ဖို့ မဖြစ်နိုင်တော့ပါဘူး။ စံညွှန်းကိန်းအရ ပြောရရင် မိုးဦးကာလမှာ ရွာတဲ့ မိုးတွေဟာ အနည်းငယ်ခန့် အက်ဆစ်ဘက်ကို ရောက်ပါတယ်။ ဒါ့အပြင် လေထုညစ်ညမ်းမှုရဲ့ ဓာတုပစ္စည်းတွေဟာ မိုးရေထဲမှာ ပါလာနိုင်ပါတယ်။ ဒီလိုအရာတွေ ပါနေတဲ့ မိုးရေ ထိတွေ့မှုကြောင့် ဆံသားနဲ့ အရေပြား ထိခိုက်မှု ရှိပါတယ်။ အထူးသဖြင့် ပြန်မဆေးကြောပစ်လိုက်ဘူး ဆိုရင်ပေါ့။ မိုးရေစိုတိုင်း ရေချိုး ခေါင်းလျှော်ဖို့ကလည်း မဖြစ်နိုင်တဲ့အခါမှာ ကျွန်မတို့ဟာ ကိုယ့် အရေပြားကို ကိုယ်တတ်နိုင်သမျှ ပြန် ဂရုစိုက်ပေးဖို့တော့ လိုလာပါပြီ။ အရေပြား ကျန်းမာ လှပနေဖို့အတွက် နေ့စဉ် ဂရုတစိုက် ရှိနေဖို့က အဓိက လိုအပ်ချက်ဖြစ်ပြီး တစ်ခုခုဖြစ်ပြီ ဆိုတော့မှ ဆရာဝန် ပြရတာက အကောင်းဆုံး အဖြေ မဟုတ်တာ သေချာပါတယ်။
မုတ်သုံရာသီမှာ အရေပြားရဲ့ အနေအထားဟာ တည်ငြိမ်မှုမရှိဘဲ အပြောင်းအလဲ ခဏခဏ ဖြစ်တတ် တဲ့ သဘာဝ ရှိပါတယ်။ ကောက်ကာငင်ကာ အဆီတွေ ပြန်လာမယ်၊ ပြီးတော့ နောက်ရက်ကျတော့ မွဲခြောက်ခြောက် ဖြစ်သွားတာမျိုးလည်း ဖြစ်နိုင်ပါတယ်။ လေထုထဲမှာ စိုထိုင်းမှု များနေပေမယ့် ဒီစိုထိုင်းမှုက ကိုယ့်အရေပြားကို စိုပြည်စေမှု မဖြစ်ပေါ်စေပါဘူး။ ဒါ့အပြင် အရေပြားပေါ်က အဆီတွေ ကိုပါ ခန်းခြောက် လျော့နည်းဖို့ အားပေးပါတယ်။ ဒါကြောင့် အရေပြားကို စိုပြည် လှပနေဖို့ ဆန္ဒရှိတယ် ဆိုရင်ဖြင့် အခြား ရာသီဥတုတွေနည်းတူ မိုးရာသီမှာလည်း ဂရုစိုက်ပေးဖို့၊ ဒီအချက်တွေကို လုပ်ဆောင်ပေးဖို့ လိုအပ်ကြောင်း ပြောလိုပါတယ်။
နံပါတ်(၁) အရေးကြီး တာက ဆေးကြော သန့်စင်ခြင်းပါ။ စောစောက ပြောခဲ့သလို မိုးရေထဲမှာ ပတ်ဝန်းကျင် ညစ်ညမ်းမှုရဲ့ စွန့်ပစ်ပစ္စည်းတွေ ပါလာတော့ မိုးရေထိပြီးရင် ပြန် ဆေးကြောပစ်ဖို့ မဖြစ်မနေ အရေးကြီး ပါတယ်။ မိုးရေထိသွားတဲ့ မိတ်ကပ်ဆိုရင်လည်း မျက်နှာသစ်ဆေး (Cleanser) သို့မဟုတ် မိတ်ကပ် ဖျက်ဆေး (Makeup Remover) ကောင်းကောင်းနဲ့ သန့်စင် ပစ်ရပါမယ်။ ဆပ်ပြာ ထက်စာရင် Facial Foam အမျိုးအစားတွေကိုပဲ သုံးသင့်ပါတယ်။ သဘာဝပစ္စည်းတွေကနေ ထုတ်လုပ်ထားတဲ့ ရေချိုး ခရင်မ် (Facial Foam) တွေဆိုရင်လည်း သင့်တော်ပါတယ်။
ဒုတိယ လုပ်ဆောင်ဖွယ်ကတော့ အားပြန်ဖြည့်ခြင်းပါပဲ။ သင့်တော်ရာ Skin Care ထုတ်ကုန် တစ်ခုခု လိမ်းဖြစ်တယ် ဆိုရင်ပဲ မဆိုးပါဘူး။ မိုးရာသီမှာ ပေါက်ပွားမှု များလာတဲ့ လေထုထဲက ရောဂါပိုးတွေ၊ ရေတွေထဲက ရောဂါပိုးတွေရဲ့ ကူးစက်မှုကနေ ကာကွယ်ချင်တယ်ဆိုရင် ဘက်တီးရီးယား ကာကွယ်တဲ့ ဓာတုပစ္စည်းပါတဲ့ Lotion တွေကို ရွေးချယ် သုံးနိုင်ပါတယ်။ အထူးသဖြင့် ကလေးငယ်တွေ၊ သက်ကြီး ရွယ်အိုတွေနဲ့ အရေပြားအနာ ခဏခဏ ဖြစ်လွယ်သူတွေ သုံးသင့်ပါတယ်။
ဘူးအပေါ်မှာ Anti-bacterial လို့ စာတန်းပါတာမျိုးပေါ့။ Toner လိမ်းမယ် ဆိုရင်တော့ Toner က ဓာတ်ဆားတွေနဲ့ အရက်ပြန်လိုမျိုး ဓာတုပစ္စည်းတွေ ပါတဲ့အတွက် အရေပြား ခြောက်သွေ့မှု အရမ်းများတဲ့သူတွေ ဆိုရင်တော့ Toner အပျော့စားကိုပဲ သုံးစွဲသင့်ပါတယ်။ အရေးကြီးတဲ့ တတိယ အချက်က အရေပြားရဲ့ အစိုဓာတ်ကို ဖြည့်စွက်ပေးခြင်းပါပဲ။ မိုးရာသီမှာ အရေပြား အစိုဓာတ် ဖြည့်ပေးဖို့က ခြောက်သွေ့တဲ့ နွေရာသီနဲ့ ဆောင်းရာသီ မဟုတ်ပေမယ့် တန်းတူပဲ လိုအပ်ပါတယ်။ မုတ်သုံ ရာသီရဲ့ မကောင်းတဲ့ အချက်က ခြောက်သွေ့တဲ့ အသားအရေကို ပိုမို မွဲခြောက်စေပြီး အဆီပြန်တဲ့ အသားအရေတွေကို ပိုဆိုးစေတာပါပဲ။ ဒါကြောင့် နေ့ဘက် သို့မဟုတ် ညာဖက်၊ တတ်နိုင်ရင် နေ့ရောညပါ အခါအားလျော်စွာ အရေပြား အစိုဓာတ် ဖြည့်ပေးတဲ့ Moisturizer တွေ သုံးစွဲပေးသင့်ပါတယ်။ ဒါဟာ အရေပြား ကူးစက်ရောဂါ ယားနာတွေကို တစ်ဘက် တစ်လမ်းက ထိရောက်စွာ ကာကွယ်ရာလည်း ရောက်ပါတယ်။ ပြင်ပမှာ သွားလာ လှုပ်ရှားမှုများသူတွေ၊ အဲကွန်း ခန်းမှာ အနေများသူတွေဟာ အထူးသဖြင့် လိုအပ်ပါတယ်။
အပြင်ထွက်တာများတဲ့ မိုးရေ အထိများသူတွေ ကျတော့ ရေကနေ အခြေခံ ထုတ်လုပ်ထားတာ မဟုတ်တဲ့ အစိုဓာတ် ဖြည့်ဆေး (Non-water Based) အမျိုးအစားကို သုံးသင့်ပြီး အခြားသူတွေ ကတော့ (Water Based) အမျိုးအစားကို သုံးသင့်ပါတယ်။ အဆီပြန်မှုများတဲ့ အသားအရေ ရှိသူတွေ ကတော့ Moisturizer တွေကို နေ့ဘက် မလိမ်းသင့်ဘဲ ညအိပ်မှ လိမ်းပြီး အိပ်ရင် အဆင်ပြေပါတယ်။
နောက်တစ်ခုက ခြောက်သွေ့ သန့်စင်မှုကို ထိန်းသိမ်းဖို့ပါပဲ။ မိုးမိပြီးသွားတိုင်း ဆံပင်နဲ့ အရေပြားကို ဆေးကြောပြီးတာနဲ့ ခြောက်သွေ့ သန့်စင်သွားအောင် ထားသင့်ပါတယ်။ မိုးရေ စိုထားတဲ့ ဆံပင်ကို ခြောက်အောင် မသုတ်ဘဲ စည်းနှောင် ထုံးဖွဲ့လိုက်မယ်ဆိုရင် ဗောက်ရောဂါရဖို့၊ သန်း ကူးစက်မှုရဖို့ အထူး အားပေးပါတယ်။ ခန္ဓာကိုယ် အနှံ့ မှာလည်း စိုစွတ်နေရင် ပုံမှန်ရှိတဲ့ မိတ်ဆွေ ပိုးတွေအပြင် အခြားပိုးတွေ လာရောက် ပေါက်ပွားဖို့ အားပေးလို့ အရေပြား ရောဂါနဲ့ အနာ အဖျားတွေ ခံစားရနိုင် ပါတယ်။ ဒါကြောင့် မိုးရေ စိုပြီးတိုင်း ရေမချိုးဖြစ်ရင်တောင် ဆေးကြော သန့်စင်ပြီး ခြောက်သွေ့ သန့်စင်အောင် ပြန်ထားသင့်ပါတယ်။ ဆံပင်ကို အခြောက်ခံစက် (Dryer) ကို သုံးနိုင်ရင် ပိုအဆင်ပြေ ပေမယ့် ဆံသား ခြောက်သွေ့ ပျက်စီးမှုကို ကာကွယ်ဖို့ တစ်ခုခုတော့ မကြာခဏ လိမ်းပေးသင့် ပါတယ်။
နံပါတ် (၅) အချက်အနေနဲ့ ခရမ်းလွန် ရောင်ခြည်ကို သတိထားဖို့ ပြောချင်ပါတယ်။ မိုးအုံ့နေတယ် ဆိုရင် ဘယ်သူမှ အလုပ်ရှုပ်ခံပြီး ထီးထုတ် မဆောင်းဖြစ်ကြပါဘူး။ တကယ်တမ်းတော့ မိုးရာသီမှာ တိမ်တွေ ထူထပ်နေလို့သာ နေရဲ့ အလင်းရောင်နဲ့ အပူဓာတ်က ကျရောက်မှု နည်းတာ ဖြစ်ပေမယ့် ခရမ်းလွန်ရောင်ခြည်ရဲ့ ပြင်းအားက အန္တရာယ် မရှိလောက်တဲ့ အနေအထားအထိ ကျဆင်းသွားတာ မျိုး လုံးဝ မဟုတ်ပါဘူး။ နေပူ မနေပေမယ့် ခရမ်းလွန်ရောင်ခြည်ဟာ ပုံမှန်အတိုင်း ကျရောက်နေပါ တယ်။ လူ့မျက်စိနဲ့ ခရမ်းလွန် ရောင်ခြည်ကို မမြင်နိုင်လို့၊ နွေရာသီ မဟုတ်တော့လို့ ပြင်ပမှာ ထီးမပါဘဲ အချိန်ကြာမြင့်စွာ သွားလာနေမယ်ဆိုရင် နွေနေ့လယ် ဟာလာဟင်းလင်းမှာ သွားလာတဲ့အတိုင်း ခရမ်းလွန်ရောင်ခြည်ရဲ့ ဒဏ်ကို ခံရနိုင်ပါတယ်။ ခရမ်းလွန်ရောင်ခြည်များများ ထိတွေ့ခံရခြင်းဟာ ရှိရင်းစွဲ အသက်ထက် အရွယ်ကျပြီး ပါးရေတွန့် အိုမင်းခြင်းရဲ့ အကြောင်းရင်း တစ်ရပ်ပါပဲ။ ဒါကြောင့် ဖြစ်နိုင်သမျှ ပြင်ပမှာ သွားလာရချိန် များမယ်ဆိုရင် အနည်းဆုံး SPF ၂၀ လောက်ပါတဲ့ နေရောင်ကာ ခရင်မ်ကို နေရောင် ထိတွေ့မယ့် ခန္ဓာကိုယ် ဧရိယာတွေမှာ လိမ်းထားပေးသင့်ပါတယ်။ ပြီးတော့ တတ်နိုင်သမျှ ထီးဆောင်းဖို့၊ အကာအကွယ်ယူဖို့ ပြောချင်ပါတယ်။
ခရီးဆောင်အိတ်ကို သားရေ မသုံးဘဲ ရေစိုခံအိတ် အမျိုးအစား ရွေးချယ် အသုံးပြုပါ။ ရေစိုခံ မိတ်ကပ်၊ အိုင်းလိုင်နာနဲ့ နှုတ်ခမ်းနီတွေလို ပုံမှန် အလှအပ ပစ္စည်းများအပြင် အလှအပကို အရေးထားသူများ အနေနဲ့ အပြင်ထွက်တိုင်း အိတ်ထဲမှာ ဆောင်ယူသွားသင့်တာတွေက SPF၂၀ ထက်များတဲ့ နေရောင်ကာ ခရင်မ်၊ မှန် အသေးစားနဲ့ ဘီးအကျဲ၊ အိတ်ဆောင် အသေးစား ဆံပင် အခြောက်ခံစက်၊ ညစ်ပတ်တဲ့ ရေတွေ၊ မိုးရေတွေ ထိတွေ့ခံရပြီးရင် ပြန်သန့်စင်ဖို့ Wet Tissue၊ ထီး၊ မှိုသတ်ဆေး (Anti-fungal) ပါဝင်တဲ့ ယားနာလိမ်းဆေး၊ ချိုင်းနံ့ ပျောက်ဆေး၊ ရေမလိုတဲ့ လက်ဆေးရည် (Hand Gel) စတာတွေပဲ ဖြစ်ပါတယ်။
ကျန်တဲ့ အရေပြား ထိန်းသိမ်းမှု ထုတ်ကုန်များကို မိမိ သုံးနေကျ သင့်တော် အဆင်ပြေရာ သို့မဟုတ် ဆရာဝန် ညွှန်ကြားတာတွေကို ဆက်လက် သုံးစွဲနိုင်ပါတယ်။ ရောဂါတွေ ကူးစက်မခံရဖို့ အရေးအကြီးဆုံး ဂရုစိုက်ဖို့ကတော့ တစ်ကိုယ်ရေ သန့်ရှင်းရေးနဲ့ အများနဲ့ ဆိုင်တဲ့ နေရာတွေကို ကိုင်တွယ်ပြီးတိုင်း မိမိ ခန္ဓာကိုယ်ကို မထိတွေ့ခင်မှာ လက်ဆေးဖို့ပဲ ဖြစ်ပါတယ်။
သစ်သီးဝလံနဲ့ ဟင်းသီးဟင်းရွက် အားလုံးဟာ အရေပြားကို လှပ စိုပြည်စေတဲ့ အာဟာရများပဲ ဖြစ်လို့ ၎င်းတို့ကို နေ့တိုင်း သန့်စင်စွာ စီရင် စားသုံးခြင်းဖြင့် ကောင်းမွန် နုပျိုတဲ့ အသားအရေကို ပိုင်ဆိုင်နိုင်ကြပါတယ်။ အသားဓာတ်ဟာလည်း အရေပြား ဆဲလ်အသစ် ဖြစ်ပေါ်မှုနဲ့ တင်းရင်းမှု၊ ပုံမှန် ကောင်းမွန်တဲ့ ကိုယ်ခံအား စနစ်တို့အတွက် မရှိမဖြစ်ဘဲမို့ မျှတစွာ စားသုံးပေးနိုင်ပါတယ်။ အားလုံး မိုးရာသီကို ကျန်းမာ ရွှင်လန်း လှပစွာ ဖြတ်သန်းနိုင်ကြပါစေလို့ ဆန္ဒပြုလိုက်ပါတယ်။