မြန်မာ့ပင်လယ်ပြင်တွင် မျောပါနေသည့် ဂြိုဟ်တုဆက်သွယ်ရေး ကိရိယာအား အပ်နှံခဲ့သော မြန်မာရေလုပ်သားများကို ထိုင်းမှဂုဏ်ပြုမည်
မြန်မာ့ပင်လယ်ပြင်အတွင်း မျောပါနေသည့် ထိုင်းနိုင်ငံမှ ပင်လယ်ပြင် ဂေဟစနစ် တိုင်းတာသည့် ဂြိုဟ်တုဆက်သွယ်ရေး ကိရိယာအား ရှာဖွေတွေ့ရှိပြီး တာဝန်ရှိသူများကို လာရောက်အပ်နှံပေးခဲ့သော မြန်မာ့ငါးသယ်လှေမှ လှေသားများအား ထိုင်းနိုင်ငံမှ လာရောက်ဂုဏ်ပြုမည်ဖြစ်ကြောင်း သိရသည်။
| ဇူလိုင် ၁၉ ရက်မှာ ကျွန်တော်တို့လှေ ဆိပ်ကမ်းကို ၀င်လာတဲ့အခါ အဲဒီဂြိုဟ်တု ဆက်သွယ်ရေး ကိရိယာကို ပင်လယ်ထဲမှာ တွေ့လာကြောင်း လှေသားတွေပြောတော့ ငါးဦးစီးကို ဆက်သွယ်အကြောင်းကြား ခဲ့တာပါ။ ငါးဦးစီးညွှန်ချုပ်ကိုယ်တိုင် လာရောက်စစ်ဆေး အတည်ပြုသွားပြီး ထိုင်းသံရုံးကနေ တဆင့်အကြောင်းပေး ထားပါတယ် . . . . . |
"ဇူလိုင် ၁၇ ရက်တုန်းက ငါးဦးစီးက ရေလုပ်ငန်းရှင်တွေကို ခေါ်တွေ့ပြီး အကူအညီပေးဖို့ ပြောတယ်။ သက်ဆိုင်ရာ နယ်မြေအလိုက် ငါးဖမ်းလှေတွေဆီကိုလည်း ဆက်သွယ်အကြောင်းကြားထားပြီး အဲဒီဗော်ယာကို တွေ့ပါက လာရောက်အပ်နှံပေးဖို့ ပြောပါတယ်။ ဇူလိုင် ၁၉ ရက်မှာ ကျွန်တော်တို့လှေ ဆိပ်ကမ်းကို ၀င်လာတဲ့အခါ အဲဒီဂြိုဟ်တု ဆက်သွယ်ရေး ကိရိယာကို ပင်လယ်ထဲမှာ တွေ့လာကြောင်း လှေသားတွေပြောတော့ ငါးဦးစီးကို ဆက်သွယ်အကြောင်းကြား ခဲ့တာပါ။ ငါးဦးစီးညွှန်ချုပ်ကိုယ်တိုင် လာရောက်စစ်ဆေး အတည်ပြုသွားပြီး ထိုင်းသံရုံးကနေ တဆင့်အကြောင်းပေး ထားပါတယ်" လို့ Looking Forward ကုမ္ပဏီမှ မန်နေဂျာဖြစ်သူ ဦးဇော်လွင်ဦးက ပြောကြားခဲ့သည်။
အဆိုပါ ဂြိုဟ်တုဆက်သွယ်ရေး ကိရိယာအား မြန်မာ့ငါးသယ်လှေ အောင်သူဇော် (၅၅၅) မှ မြန်မာနိုင်ငံတောင်ပိုင်း၊ ကော့သောင်းရေပြင်အပိုင် ကျွန်းမဲအနီးတွင် ရှာဖွေတွေ့ရှိခဲ့ပြီး မြိတ်မြို့သို့ ဇူလိုင် ၁၉ ရက်တွင် သယ်ယူလာကြောင်း သိရသည်။ "ဇူလိုင် ၁၉ ရက်မှာ အဲဒီဂြိုလ်တု ကိရိယာက မြိတ်မြို့ ပထော်၊ ပထက်နားမှာ ရပ်တန့်နေတယ်လို့ ထိုင်းနိုင်ငံကနေ ဖက်စ်ဝင်လာပြီး သက်ဆိုင်ရာ ကုမ္ပဏီအလိုက် လှေတွေမှာ ဆက်သွယ်မေးမြန်းကြည့်ရာမှ ကျွန်တော်တို့ ကုမ္ပဏီက လှေဆိပ်ကမ်းကိုရောက်နေပြီး လှေသားတွေက လာရောက်အပ်နှံတာပါ။ ထိုင်းနိုင်ငံက အဲဒီဂြိုဟ်တု ကိရိယာကို အခမ်းအနားနှင့်တကွ လာရောက်လက်ခံမှာဖြစ်ပြီး လာရောက်အပ်နှံပေးတဲ့ လှေသားတွေကိုလည်း ထိုက်ထိုက်တန်တန် ဂုဏ်ပြုမယ်လို့ ပြောပါတယ်" ဟု ဦးဇော်လွင်ဦးက ပြောကြားခဲ့သည်။
0 comments:
Post a Comment