ထိုင်းနိုင်ငံ မြောက်ပိုင်းနှင့် မြန်မာပြည်တို့ကို ပြင်းထန်သော ငလျင်တခု
ယနေ့ တနင်္လာနေ့ ညနေပိုင်းတွင် ရိုက်ခတ်သွားခဲ့သည်။ အမေရိကန်ပြည်ထောင်စု
ငလျင်တိုင်းထွာတွက်ချက်မှုအရ ထိုင်းမြောက်ပိုင်း ချင်းရိုင်မြို့
အနောက်တောင်အရပ်ရှိ မဲလောင်ဒေသအနီးတွင် ဗဟိုပြုပြီး ၆.၀ မဂ်နီကျူ
ပြင်းထန်ကြောင်း သိရသည်။ ချင်းရိုင်မြို့တွင် လမ်းနှင့် အဆောက်အဦများ
ကွဲအက်မှု ရှိကြောင်း သတင်းရရှိသည်။ ဓာတ်ပုံပါ အက်ကွဲပျက်စီးသွားသော
ကားလမ်းမှာ ချင်းရိုင်ခရိုင်ရှိ မဲလောင်မြိုနှင့် မဲဆွေမြို့ကို
ဆက်သွယ်ထားသော ကားလမ်းဖြစ်သည်။ ပျက်စီးဆုံးရှုံးမှု မည်မျှရှိကြောင်း လတ်တလော
အတိအကျ မသိရသေးပေ။ လှုပ်ခတ်မှုမှာ ဝေးလံသော ရန်ကုန်မြို့ထိပါ ခံစားရပြီး
မြို့လည် ဆာကူရာကဲ့သို့ တိုက်မြင့်များမှ လူများ ကြောက်လန့်ပြီး
ဆင်းပြေးခဲ့ကြကြောင်း သိရသည်။
ထိုင်းနိုင်ငံ
မြောက်ပိုင်းချင်းရိုင်မြို့အနီး လှုပ်ခတ်သွားခဲ့သောငလျင်ကြောင့်
ထိခိုက်ပျက်စီးသွားရသောအပျက်အစီးများကို မြင်ရစဉ် (ဓာတ်ပုံများ-
ဘန်ကောက်ပို့စ်နှင့် နေးရှင်း သတင်းစာများ၏ ဖေ့ဘွတ်စာမျက်နှာများမှ)
0 comments:
Post a Comment