ထိုင်းလူသတ်မှု တရားရုံး ပယ်ချ

ထိုင်းလူသတ်မှု တရားရုံး ပယ်ချ
ထိုင်းနိုင်ငံ ကော့တောင် ကျွန်းမှာ ဗြိတိသျှ လူမျိုး နှစ်ဦးကို မြန်မာ ရွှေ့ပြောင်း အလုပ် သမားတွေ သတ်ခဲ့ တယ်လို့ ထိုင်းရဲက စွပ်စွဲ ပြီး တရားရုံး တင်လိုက်တဲ့ ကိစ္စကို တရားရုံး ရှေ့နေ တွေက ပယ်ချလိုက် ပါတယ်။
ဒီအမှုမှာ တရားစွဲဖို့ အထိ လုံလောက်တဲ့ အချက်အလက် မပြည့်စုံဘူးလို့ တရားရုံး ရှေ့နေတွေ ပြောတာကို ထိုင်း မီဒီယာတွေမှာ ဖော်ပြကြောင်း မြန်မာ အလုပ် သမားတွေ အတွက် ဥပဒေကြောင်း အရ အကူအညီ ပေးနိုင်ဖို့ မြန်မာ သံရုံးက တာဝန်ပေးထားတဲ့ အဖွဲ့က ရှေ့နေ ဦးအောင်မျိုးသန့်က ပြောပါ တယ်။

ရဲက တင်တဲ့ အချက်အလက်တွေထဲက လုံခြုံရေး တီဗီ ဖြစ်တဲ့ CCTV ပုံတွေမှာ ရုပ်ပုံ ၂၀ လောက် ပြတ်နေပြီး၊ DNA စစ်ဆေးမှုတွေ ဟာလည်း နည်းလမ်း မကျတဲ့အတွက် ဒီအမှုကို ရဲကို ပြန်ချပေးလိုက်တာလို့ ဆိုပါတယ်။
စွပ်စွဲခံ မြန်မာ ၂ ဦး ကိုတော့ ရမန် ယူထားတဲ့အတွက် အဲဒီ အတောအတွင်း ရဲက ချုပ်ထားခွင့် ရှိတယ်လို့ ဦးအောင်မျိုးသန့်က ပြောပါ တယ်။
နောက်ပြီး ဒီရမန် ယူထားချိန်မှာ ရဲဘက်က အချက်အလက်တွေကို ပြန်စုဆောင်းပြီး တရားရုံးကို တင်ခွင့်ရှိတဲ့အတွက် ရဲကနေ ပြန်ပြီး ဖြစ်အောင် တင်မှာ ဖြစ်တယ်လို့ လည်း သူက ပြောပါတယ်။
ဗြိတိန်ကလည်း ဒီအမှုနဲ့ ပတ်သက်ပြီး မြန်မာသံရုံး အဖွဲ့နဲ့ ပူးပေါင်း ဆောင်ရွက်ဖို့ ခုလာမယ့် ရက်ပိုင်းမှာ ဆွေးနွေး မယ်လို့ သိရပါတယ်။
ထိုင်းနိုင်ငံ ထိပ်တန်း မှုခင်း ဆေးပညာရှင် တဦးကလည်း ထိုင်းရဲတွေရဲ့ မှုခင်း စစ်ဆေးပုံနဲ့ ပတ်သက်ပြီး ဝေဖန်လိုက်ပါတယ်။

ထိုင်းမှာ ဗြိတိသျှ ၂ ဦးကို မြန်မာ ၂ ဦးက သတ်ဖြတ် ခဲ့တယ်လို့ ထိုင်းရဲက စွပ်စွဲပြီး တရားရုံးကို တင်ခဲ့ရာ၊ တရားရုံး ရှေ့နေ တွေက ပယ်ချ။

အပြည့်စုံဖတ်ရန်>>>

နိုင်ငံသားပြုခွင့်၊ ဖြစ်ခွင့်နှင့် အနောက်တံခါးပြဿနာ

၁၉၈၂ ခုနှစ် မြန်မာနိုင်ငံသားဥပဒေဖြင့် နိုင်ငံသားစိစစ်ခံလိုသည့် ဘင်္ဂါလီအရေအတွက်က တိုးလာနေသည်။ ဘင်္ဂါလီရာဂဏန်းမှာ နိုင်ငံသားဖြစ်ခွင့်နှင့် နိုင်ငံသားပြုခွင့် အသီးသီးရရှိသွားပြီဖြစ်သည်။
ရခိုင်တိုင်းရင်းသားများက ဘင်္ဂါလီလူမျိုးများကို ၁၉၈၂ နိုင်ငံသားဥပဒေဖြင့် စိစစ်ပေးရန် အစဉ်တစ်စိုက်တောင်းဆိုခဲ့ကြခြင်းဖြစ်သည်။ ဘင်္ဂါလီလူမျိုးများကို ၁၉၈၂ နိုင်ငံသားဥပဒေဖြင့် တိကျမှန်ကန်စွာ စိစစ်ပေးရန် ရခိုင်တိုင်းရင်းသားများက တောင်းဆိုခဲ့ပြီး ယင်းဥပဒေနှင့်ညီညွတ်၍ နိုင်ငံသားဖြစ်ခွင့်၊ ပြုခွင့်ရရှိသူများကိုလည်း ကန့်ကွက်စရာမရှိဟုဆိုသည်။
သို့သော် ယင်းဥပဒေနှင့် မညီညွတ်သူများကိုမူ ထိန်းသိမ်းရေးစခန်းများတွင်ထားရှိပြီး တတိယနိုင်ငံများသို့ ပုို့ဆောင်ရန်လည်း ရခိုင်အမျိုးသားရေးအင်အားစုများက တောင်းဆိုထားခဲ့သည်။
ရခိုင်ပဋိပက္ခဖြစ်ပွားပြီး ၂ နှစ်ခန့်အကြာတွင်တော့ အစိုးရက မြေပုံမြို့နယ်ကို ရှေ့ပြေးစီမံကိန်းအဖြစ်သတ်မှတ်၍ ၁၉၈၂ နိုင်ငံသားဥပဒေကို စတင်အကောင်အထည်ဖော်ဆောင်ရွက်ခဲ့သည်။ ပြဿနာများ ပြေလည်စေရန် ရခိုင်ပြည်နယ်ပဋိပက္ခစုံစမ်းစစ်ဆေးရေးကော်မရှင် အစီရင်ခံစာအကြံပြုချက်များထဲတွင် ၁၉၈၂ နိုင်ငံသားဥပဒေကို စနစ်တကျ အကောင်အထည်ဖော်ဆောင်ရွက်သွားရန်ဆိုသည့် အချက်တစ်ချက်ပါဝင်သည်။
ဝေဖန်မှုများလည်းရှိခဲ့သည့် ၁၉၈၂ နိုင်ငံသားဥပဒေကို အစိုးရအနေဖြင့် အောင်မြင်စွာ အကောင်အထည်ဖော်ဆောင်ရွက်နိုင်ခြင်း ရှိ၊ မရှိဆိုသည်မှာ စောင့်ကြည့်ရမည့်ကိစ္စတစ်ခု ဖြစ်လာသည်။
‘‘ဘင်္ဂါလီလို့ ခံယူသူတွေကိုတော့ ဥပဒေအရ တိတိကျကျ ဆောင်ရွက်နိုင်မယ်လို့ ယူဆတယ်’’ဟု စစ်တွေမြို့မိမြို့ဖဦးသန်းထွန်းကဆိုသည်။
မြေပုံမြို့နယ်တွင် ၁၉၈၂ နိုင်ငံသားဥပဒေဖြင့် စိစစ်ခြင်းလုပ်ငန်းကို စတင်ဆောင်ရွက်ခဲ့ရာ လျှောက်လွှာတင်သွင်းသူ ၁၀၉၄ ဦးရှိသည်။ မြေပုံမြို့နယ်တွင် ဘင်္ဂါလီဦးရေစုစုပေါင်း သုံးထောင်ခန့်ရှိသည်ဟု ဒေသတွင်းအဖွဲ့အစည်းများက ဆိုသည်။
ယင်းလျှောက်လွှာများကို မြို့နယ်၊ ပြည်နယ်နှင့် ဗဟိုအဆင့်စိစစ်ခဲ့ရာ နိုင်ငံသားဖြစ်ခွင့် ၄၀ ဦးနှင့် နိုင်ငံသားပြုခွင့် ၁၆၉ ဦး ရရှိခဲ့သည်။ ၎င်းတို့၏ သားသမီးများသည်လည်း အလိုအလျှောက် နိုင်ငံသားဖြစ်ခွင့်၊ ပြုခွင့်ကိုရရှိမည်ဖြစ်သည်။ ဒေသခံရခိုင်တိုင်းရင်းသားများကမူ နိုင်ငံသားဖြစ်ခွင့်၊ ပြုခွင့်ရသူများတွင် သက်သေအထောက်အထားမခိုင်လုံသူများ၊ တိုင်းရင်းသားစကားမတတ်ကျွမ်းသူများ ပါဝင်နေကြောင်း ဝေဖန်ပြောဆိုကန့်ကွက်ခဲ့ကြသည်။
ယင်းကဲ့သို့ နိုင်ငံသားဖြစ်ခွင့်၊ ပြုခွင့်များပေးအပ်ပြီးနောက် မြေပုံမြို့နယ်တွင် ၁၉၈၂ ဥပဒေဖြင့် စိစစ်ရန် လူဦးရေ ၁၂၀ ခန့်က ထပ်မံလျှောက်လွှာတင်သွင်းခဲ့သည်။ ထို့အပြင် ဘင်္ဂါလီလူဦးရေ သုံးသိန်းခန့်ရှိသော ဘူးသီးတောင်မြို့နယ်တွင်လည်း ၁၉၈၂ ဥပဒေဖြင့် စိစစ်ခြင်းလုပ်ငန်းများကို အောက်တိုဘာလအတွင်း ဆက်လက်ပြုလုပ်သွားမည်ဟု ဒေသတွင်းအဖွဲ့အစည်းများကဆိုသည်။
အစိုးရက အကောင်အထည်ဖော်ဆောင်ရွက်နေသော ၁၉၈၂ ခုနှစ် မြန်မာနိုင်ငံသားဥပဒေမှာ လူ့အခွင့်အရေးစံချိန်စံညွှန်းများနှင့် ကိုက်ညီမှုမရှိကြောင်း နိုင်ငံတကာအသိုင်းအ၀ိုင်းက ဝေဖန်ပြောဆိုကြသည်။ ကုလအဖွဲ့အပါအ၀င် နိုင်ငံတကာမှ ၁၉၈၂ ခုနှစ်ဥပဒေကို ပြင်ဆင်ပြီး ရိုဟင်ဂျာလူမျိုးများကို နိုင်ငံသားဖြစ်ခွင့်ပေးရန်အတွက် အကြိမ်ကြိမ်ဖိအားပေးပြောဆိုမှုများ ပြုလုပ်ခဲ့သည်။ သို့သော်လည်း နိုင်ငံတော်သမ္မတအပါအ၀င် အစိုးရအဖွဲ့တာဝန်ရှိသူများက ရိုဟင်ဂျာတိုင်းရင်းသားဆိုသည်မှာ မြန်မာနိုင်ငံတွင်မရှိကြောင်းနှင့် ၁၉၈၂ ဥပဒေကို ပြင်ဆင်ရန်မလိုအပ်ကြောင်း အတိအလင်းပြောကြားထားသည်။
ပြည်တွင်းမှ အစ္စလာမ်ဘာသာဝင်များဖြင့် ဖွဲ့စည်းထားသော နိုင်ငံရေးပါတီအချို့ကလည်း ၁၉၈၂ ဥပဒေသည် လူ့အခွင့်အရေးနှင့်ဆန့်ကျင်နေပြီး နိုင်ငံသားအခွင့်အရေး၊ လူ့အခွင့်အရေးကိုအခြေခံ၍ ဖြေရှင်းဆောင်ရွက်မှသာ ရခိုင်ပြဿနာကိုဖြေရှင်းနိုင်မည်ဖြစ်ကြောင်း ထောက်ပြပြောဆိုခဲ့သည်။
 ၁၉၈၂ ဥပဒေဖြင့် စိစစ်ခြင်းလုပ်ငန်းအပါအ၀င် ရခိုင်ပြဿနာကို ကိုင်တွယ်ရာတွင် နိုင်ငံတကာဖိအားပေးမှုများရှိပြီး ယင်းဖိအားများကြောင့်ပင် အစိုးရအနေဖြင့် ထိန်းသိမ်းဆောင်ရွက်နေရကြောင်း လေ့လာသူများက သုံးသပ်သည်။
 နိုင်ငံတော်သမ္မတထံ တင်သွင်းခဲ့သော ရခိုင်စုံစမ်းစစ်ဆေးရေးကော်မရှင်အစီရင်ခံစာတွင်မူ ပြဿနာများဖြေရှင်းနိုင်ရန် ၁၉၈၂ခုနှစ် မြန်မာနိုင်ငံသားဥပဒေကို စနစ်တကျ မှန်ကန်စွာ အသုံးပြုသွားရမည်ဖြစ်သည်။ နိုင်ငံတကာမှ ၁၉၈၂ ဥပဒေသည် ဘင်္ဂါလီလူမျိုးများကို တစ်ဖက်သက် တရားဝင်ဖိနှိပ်နိုင်သည်ဟု ပြောဆိုသော်လည်း ယင်းဥပဒေကို စနစ်တကျအကောင်အထည်ဖော်သွားပါက လက်ရှိပြဿနာအများစုကို ဖြေရှင်းပေးနိုင်မည်ဖြစ်ကြောင်း အကြံပြုထားသည်။
၁၉၈၂ ခုနှစ် ဥပဒေအရ ၁၉၄၈ ခုနှစ်မတိုင်မီ ဆယ်စုနှစ်ကာလအတွင်း မြန်မာနိုင်ငံနယ်နိမိတ်၌ ရှစ်နှစ်ဆက်တိုက် တစ်ဆက်တည်းနေထိုင်သူ၏ တတိယမျိုးဆက်သည် နိုင်ငံသားပြုခွင့်ရမည်ဖြစ်သည်။ ထို့အပြင် ၁၉၈၂ခုနှစ် မြန်မာနိုင်ငံသားဥပဒေ ပုဒ်မ ၄၃ တွင် နိုင်ငံသားပြုခွင့်ရရှိသူသည် တိုင်းရင်းသားဘာသာစကားတစ်မျိုးမျိုး တတ်ကျွမ်းရမည်ဖြစ်ကြောင်း ဖော်ပြထားသည်။
ရခိုင်အမျိုးသားရေးအင်အားစုများကမူ ပြီးခဲ့သည့်သန်းခေါင်စာရင်းအတွေ့အကြုံနှင့် နှိုင်းယှဉ်၍ ၁၉၈၂ ဥပဒေကို ရခိုင်ပြည်နယ်တစ်ခုလုံးတွင် အောင်မြင်စွာ ဆောင်ရွက်နိုင်ရန်မလွယ်ကူနိုင်ကြောင်း သုံးသပ်သည်။ ရခိုင်ပြည်နယ်တွင် သန်းခေါင်စာရင်းကောက်ယူရာတွင် ဘင်္ဂါလီလူမျိုးအများစုမှာ ရိုဟင်ဂျာဟုသာဖြေဆို၍ စာရင်းမကောက်ယူနိုင်ခဲ့ပေ။
စစ်တွေမြို့မိမြို့ဖ ဦးသာမွန်က ‘‘သိပ်မမျှော်လင့်ဘူး။ ဘင်္ဂါလီတွေများတဲ့နေရာမှာ သိပ်အောင်မြင်မယ်မထင်ဘူး။ အခုဟာက အခွင့်အရေးရမယ့်သူကိုခယပြီး လျှောက်ပါလို့ပြောနေရတဲ့ သဘောဖြစ်နေတယ်’’ဟု ဆိုသည်။
၁၉၈၂ ဥပဒေဖြင့် ဆောင်ရွက်ရာတွင် ဘင်္ဂါလီဟုပြောဆိုသူများကိုသာ စိစစ်မည်ဖြစ်ပြီး ရိုဟင်ဂျာဆိုသူများကို စိစစ်ခြင်းပြုလုပ်မည်မဟုတ်ပေ။ ရခိုင်ပြည်နယ်တွင် ဘင်္ဂါလီလူမျိုး ၁ ဒသမ ၀၉ သန်းခန့်ရှိရာ သန်းခေါင်စာရင်းကောက်ယူရာတွင် အားလုံးနီးပါးက ရိုဟင်ဂျာဟုသာ ဖြေဆိုခဲ့ကြသည်။ ယင်းအတွက်ကြောင့်ပင် ၁၉၈၂ ဥပဒေနှင့် စစ်ဆေးအပြီး ဘင်္ဂါလီဟုမခံယူသူများကို မည်သို့ဆောင်ရွက်မည်ဆိုသည်မှာ အရေးကြီးကိစ္စဖြစ်လာသည်။
‘‘အစိုးရမှာရှိတဲ့ အခွင့်အာဏာအပြည့်အ၀သုံးပြီး လုပ်နိုင်မယ်လို့ ယူဆတယ်။ ရိုဟင်ဂျာဆိုတဲ့သူတွေကိစ္စကို ပြတ်သားထိရောက်စွာကိုင်တွယ်ဖို့လိုတယ်’’ဟု ဦးသန်းထွန်းမှတ်ချက်ပြုသည်။

အပြည့်စုံဖတ်ရန်>>>

လိပ်ကျွန်းလူသတ်မှု၌ ထိုင်းရဲက တရားလိုပြသက်သေ ဟု ဆိုသည့် မောင်မောင်ကို မြန်မာအဖွဲ့ သွားရောက်တွေ့ဆုံစဉ်

လိပ်ကျွန်းလူသတ်မှုနဲ့ ပတ်သက်ပြီး လိုက်ပါဆောင်ရွက်နေ တဲ့ မြန်မာကိုယ်စားလှယ်အဖွဲ့ဟာ ဒီကနေ့မှာ ကော့စမွေကျွန်းမှာ ထိန်းသိမ်းခြင်းခံထားရတဲ့ ထိုင်းရဲက တရားလိုပြသက်သေ ဟု ပြောဆိုထားသော မောင်မောင်(ခ) သန်းဆွေကို သွားရောက်တွေ့ဆုံကာ အမှုနှင့် ပတ်သက်သည့် အချက်အလက်များကို မေးမြန်းနိုင်ခဲ့ပါတယ်။

သွားရောက်မေးမြန်းသည့် မြန်မာအဖွဲ့တွင် ပါဝင်သော ရှေ့နေဦးအောင်မျိုးသန့်နှင့်တွေ့ဆုံမေးမြန်းထားသည့် အင်တာဗျူးကို မကြာမီ တင်ပေးမည်။
ဓာတ်ပုံ- မင်းဦး

အပြည့်စုံဖတ်ရန်>>>

လိပ်ကျွန်းလူသတ်မှုကိစ္စ စိတ်ဝင်စားဖွယ် သတင်းစာရှင်းလင်းပွဲ

ထိုင်းတောင်ပိုင်း လိပ်ကျွန်း လူသတ်မှုနဲ့ မြန်မာ ၂ ဦးကို လူသတ်တရားခံအဖြစ် ထိုင်းရဲက ဖမ်းဆီးထားတာ နဲ့ ညှင်ပန်း နှိပ်စက်မှုတွေ ရှိတယ်ဆိုတဲ့ ထိုင်းမီဒီယာတွေနဲ့ ကမ္ဘာ့မီဒီယာတွေက ဝေဖန်ပြောဆိုမှုတွေကို ထိုင်းရဲချုပ် ဆုမ်ယွတ် ပွန်ပန်မွန်က ခုခံကွာကွယ်ပြောသွားပါတယ်။ 

 လိပ်ကျွန်း လူသတ်မှု ထိုင်းရဲချုပ်ရုံးက သတင်းစာရှင်းလင်းပွဲ၊ ဓာတ်ပုံ- ဘန်ကောက်ပို့စ်

 “ဒီအမှုမှာ အရာရှိတွေ အားလုံး သေချာ လုပ်ဆောင်ခဲ့ကြတယ်ဆိုတာ အခိုင်အမာပြောချင်ပါတယ်” လို့ 
အောက်တိုဘာလ ၇ ရက်နေ့က ထိုင်းနိုင်ငံ ရဲချုပ်ရုံးမှာ သတင်းစာ ရှင်းလင်းပွဲ ရဲချုပ် ဆုမ်ယွတ်က ပြော သွား တာပါ။ 

အဲဒီသတင်းစာရှင်းလင်းပွဲကိုတော့ သေဆုံးသွားတဲ့ ဒေးဗစ်နဲ့ ဟန်နာတို့ရဲ့ ဗြိတိန်နိုင်ငံရဲ့ ထိုင်းနိုင်ငံဆိုင်ရာ သံအမတ်ကြီး က ကနဦး တက်ရောက်ဖို့ မူလက စီစဉ်ထားခဲ့ပါတယ်။ 

ဒါပေမယ့် ဖမ်းဆီးခံထားရသူတွေကို ရဲက ညှင်းပန်းနှိပ်စက်ထားခံရ တယ်ဆိုတဲ့ သတင်းတွေ ထွက်ပြီး တဲ့နောက် ဗြိတိန်သံအမတ်ဟာ သတင်းစာ ရှင်းလင်းပွဲကို မ တက်ရောက်ဖြစ်ခဲ့ဘူးလို့ ဘန်ကောက် ပို့စ် သတင်းတပုဒ်မှာ ရေးပါတယ်။ 

ဒါပေမယ့် ထိုင်းအခြေစိုက်သတင်းဌာနတွေနဲ့ နိုင်ငံခြား သတင်းထောက်တွေတော့ တက်ရောက်ခဲ့ပြီး ဖမ်းဆီးခံထားရတဲ့ မြန်မာတွေ ညှင်းပန်းနှိပ်စက်ခံရတာတွေနဲ့ပတ်သက်လို့လည်း မေးခဲ့ကြပါတယ်။ 

“ဘယ် သံသယဖြစ်ခံရသူကိုမှ ညှင်းပန်းနှိပ်စက်တာ မရှိခဲ့ဘူးဆိုတာ ကျနော် အတည်ပြုပါတယ်” လို့ စုံစမ်းရေး ရဲမှူး Suwat Chaengyodsook က ဘန်ကောက်ပို့စ်ကို ပြောတယ်။ 

သူက ဆက်ပြောတာက စုံစမ်းစစ်ဆေးမှုတွေ လုပ်နေတုံး သံသယဖြစ်သူတွေရဲ့ ရှေ့နေလည်း ရှိပြီး လူခန္ဓာ ကိုယ်ကိုလည်း စစ်ဆေးမှုတွေလည်း လုပ်ခဲ့ပြီး ဒါတွေကို ဆရာဝန်ဆီ ပို့ထားတယ်တဲ့။ သံသယဖြစ်ခံရ သူတွေက သူတို့ ဖာသာ သူတို့က ဝန်ခံခဲ့တာလို့ ပြောထားပါတယ်။ 

လူ့အခွင့်ရေး တက်ကြွလှုပ်ရှားသူတွေ အခိုင်အမာထောက်ပြတာကတော့ သံသယဖြစ်ခံရသူတွေဟာ တရားစွဲခံရပြီးချိန် ထိ ရှေ့နေနဲ့ တွေ့ခွင့်မရခဲ့ဘူးလို့ ထောက်ပြထားတာကို ဘန်ကောက်ပို့စ်က ဆိုပါတယ်။ 

လိပ်ကျွန်း ဗြိတိန် ၂ ဦး အသတ်ခံရတဲ့ ကိစ္စနဲ့ CCTV၊ သက်သေအထောက်အထား၊ မူခင်းသဲလွန်စ၊ စတဲ့ အချက်တွေ အ ပေါ် အခြေခံပြီး နိုင်ငံခြားသား ၁၈၇ ဦး၊ ထိုင်း ၅၈ ဦးကို သံသယဖြစ်သူစာရင်းသွင်းခဲ့တာ လို့ လည်း ထိုင်းရဲတွေက သတင်း စာရှင်းလင်းပွဲမှာ ပြောပါတယ်။ 

သေဆုံးသူဗြိတိန်အမျိုးသမီးခန္ဓာကိုယ်က ရတဲ့ DNA ကို ချင်းမိုင်တက္ကသိုလ်နဲ့ ချူလာလောင်ကွန် တက္ကသိုလ်တွေမှာ စစ် ဆေးခဲ့တာလို့ ရဲက ပြောတယ်။ 

 “DNA စစ်ဆေးမှုက သေဆုံးသူဆီက ရတာနဲ့ သံသယဖြစ်ခံရသူတွေရဲ့ DNA က ကိုက်ညီတယ်၊ ဒါ ငြင်း လို့ မရနိုင်တာပဲ”လို့ ရဲမှူး ဆူဝပ်က ရှင်းပြတယ်။ 

ထိုင်းအမျိုးသား လူ့အခွင့်အရေး ကော်မရှင်မှာလည်း ပါဝင် လုပ်ကိုင်နေသူ ထိုင်း NGO တခုဖြစ်တဲ့ Cross-Cultural Foundation- CCF ဒါရိုက်တာ Pornpen Kongkachornkiat ကတော့ ရဲတွေရဲ့ ကြိုးစားအား ထုတ်မှုကို အသိအမှတ် ပြုပေမယ့် ထိုင်းလူထုက ဒီစုံစမ်းစစ်ဆေးမှုမှာ လုံးဝ စိုးရိမ်မကင်းဖြစ်တယ်လို့ ပြော ထားပါတယ်။ 

ထိုင်းရဲချုပ်က ပြောတာမှာ စုံစမ်းမှုတွေကို လူတွေမျှော်လင့်ထားသလို မြန်ဆန်မှု မရှိခဲ့ဘူးလို့ ပြောပြီး လူမှု ကွန်ယက်တွေ မှာ ပြစ်တင်မှုတွေလည်း ရှိတယ်လို့ ဆိုတယ်။ 

လိပ်ကျွန်းမှာ သြဇာ ကြီးတဲ့ မာဖီးယားတွေကို စုံစမ်းဖော်ထုတ်ဖို့ တောင်းဆိုချက်တွေနဲ့ အရာရှိတွေဟာ ဖိအား ပေးခံခဲ့ရတာတွေရှိတယ်လို့လည်း သူက ပြောတယ်။ 

ဒီသတင်းစာ ရှင်းလင်းပွဲမှာ သတင်းထောက်တွေ မေးတဲ့ မေးခွန်းတွေထဲက ထိုင်းရဲချုပ်နဲ့ ရဲ အရာရှိ
တွေရဲ့ စိတ်ဝင်စားဖွယ် ဖြေကြားမှုကိုလည်း ထိုင်း PBS သတင်းဌာနရဲ့ သတင်းတခုမှာ ဖော်ပြထားပါ တယ်။ 

ဒီအမှုမှာ ပါဝင်ပတ်သက်နေတယ်လို့ လူမှု ကွန်ယက်တွေက ပြောနေတဲ့ လိပ်ကျွန်း လူကြီးရဲ့ သားဆီက DNA ဘာလို့ မယူ တာလဲလို့ မေးတာကို ထိုင်းရဲက အဖေဆီက ယူထားပြီးဖြစ်လို့ သားဆီက ယူစရာမလို ဘူးလို့ ထိုင်းရဲက ဖြေကြားခဲ့တယ်လို့ ဆိုပါတယ်။ 

လိပ်ကျွန်းလူသတ်မှု သံသယဖြစ်ဖွယ်အချက်တွေကို ထိုင်းလူမှု ကွန်ယက် ဖေ့စ်ဘုတ်စာမျက်နှာ တခုဖြစ်တဲ့ CSI LA ရဲ့ ဖော်ပြချက်တွေနဲ့ပတ်သက်ပြီး မေးမြန်းတာကိုလည်း ထိုင်းရဲတွေက ဒီစာမျက်နှာဟာ အခြေ အမြစ် မရှိတဲ့ စာမျက်နှာဖြစ်ပြီး ဖော်ပြချက်တွေကြောင်း လူထုက မရှုပ်ထွေးပါနဲ့လို့ ဖြေရင်း လူမှု ကွန်ယက် က ဖော်ပြတာတွေနဲ့ အငြင်းအခုန် လုပ်ဖို့ မဟုတ်ဘူးလို့ ဖြေသွားပါတယ်။

အပြည့်စုံဖတ်ရန်>>>

မြန်မာလုပ်သားနှစ်ဦးအတွက် ဂျပန်ရောက်မြန်မာများ ထိုင်းသံရုံးရှေ့တွင် ဆန္ဒပြမည်

မြန်မာလုပ်သားနှစ်ဦးလူသတ်မှုကျူးလွန်ပုံကို ထိုင်းရဲတပ်ဖွဲ့က သရုပ်ပြခိုင်းနေစဉ်(reuters)

ဗြိတိန်စုံတွဲ အသတ်ခံခဲ့ရမှုနှင့်ပတ်သက်၍ ထိန်းသိမ်းခံ ထားရသည့်မြန်မာများအား တရားမျှတသည့် စုံစမ်းစစ်ဆေးမှုပြုလုပ် ရန် ဂျပန်နိုင်ငံရောက် မြန်မာနိုင် ငံသားများက အောက်တိုဘာ ၉ ရက်တွင် တိုကျိုမြို့ရှိ ထိုင်းသံရုံး ရှေ့၌ ဆန္ဒထုတ်ဖော်သွားမည်ဖြစ် ကြောင်း  သတင်းရရှိသည်။
‘‘အဓိကကတော့ ဂျပန်နိုင်ငံ မှာရှိတဲ့ မြန်မာတွေလည်း ဒီအမှု ကို စောင့်ကြည့်နေတယ်ဆိုတာ ရယ်၊ ဂျပန်နိုင်ငံသားတွေလည်း ဒီအမှုကို သတိထားမိအောင် ကြိုး စားတဲ့ သဘောလည်းပါတယ်’’ ဟု ဆန္ဒပြပွဲနှင့် ပတ်သက်၍ ဂျပန် နိုင်ငံရောက် မြန်မာတစ်ဦးဖြစ်သူ ဦးကျော်သူအောင်က ပြောသည်။
အဆိုပါ ဆန္ဒထုတ်ဖော်ပွဲ ကို အောက်တိုဘာ ၉ ရက် ဂျပန်စံ တော်ချိန်ညနေ ၃ နာရီ (မြန်မာစံ တော်ချိန်ညနေ ၅ နာရီခွဲ) တွင် ကျင်းပရန် စီစဉ်ထားကြောင်း သတင်းရရှိသည်။
သံသယတရားခံများအဖြစ် ဖမ်းဆီးခံထားရသည့် မြန်မာများ အရေးမျှတစွာ ကိုင်တွယ်ရန် ထိုင်းအစိုးရကို ဖိအားပေးတောင်း ဆိုမည့် အဆိုပါ ဆန္ဒပြပွဲတွင် ပူး ပေါင်းပါဝင်ကြရန် ဂျပန်နိုင်ငံ ရောက် မြန်မာအသိုင်းအ၀ိုင်းသို့ အကြောင်းကြားထားကြောင်း သတင်းရရှိသည်။
 ‘‘လောလောဆယ်တော့ ဘယ်နှယောက်ပါမယ်ပြောလို့ မရသေးဘူး။ စုနေကြတုန်းရှိ သေးတယ်’’ ဟု ဆန္ဒပြပွဲစီစဉ်သူ တစ်ဦးက ပြောသည်။
ဗြိတိန်စုံတွဲများဖြစ်သည့် အသက်(၂၄)နှစ်ရှိ ဒေးဗစ်မီလာ နှင့် အသက်(၂၃) နှစ်အရွယ် ဟန် နာယီသာရစ်ခ်ျတို့ နှစ်ဦးသည် စက်တင်ဘာ ၁၄ ရက် ညဥ့်သန်း ခေါင် ထိုင်းနိုင်ငံတောင်ပိုင်း၊ ဆူ ရတ်ဌာနီခရိုင်၊ ခိုတောင်ကျွန်း (လိပ်ကျွန်း)တွင် အသတ်ခံရပြီး နောက်တစ်နေ့တွင် ၎င်းတို့၏ ရုပ်အလောင်းများကို ရှာဖွေတွေ့ရှိ ခဲ့ခြင်း ဖြစ်သည်။
၎င်းတို့ သတ်ဖြတ်ခံထားရ မှုနှင့်ပတ်သက်ပြီး မြန်မာနိုင်ငံ သား သုံးဦးထက်မနည်းကို ထိုင်း ရဲများက ဖမ်းဆီးခဲ့သည်။ ၎င်းတို့ ထဲမှ အသက်(၂၃)နှစ် အရွယ် စောနှင့် အသက်(၂၁) နှစ်အရွယ် ၀င်းဟု နာမည်အတိုကောက် ထုတ်ပြန်ခဲ့သည့် သူနှစ်ဦးသည် လူသတ်မှု၏ အဓိကလက်သည် တရားခံများဖြစ်သည်ဟု ထိုင်းရဲ တပ်ဖွဲ့က စွပ်စွဲထားသည်။
အခြားတစ်ဖက်တွင်လည်း လက်သည်တရားခံဟု စွပ်စွဲခံ ထားရသူများမှာ တရားခံအစစ် မဟုတ်နိုင်ကြောင်း မြန်မာ၊ ထိုင်း နှင့် နိုင်ငံတကာမှ ဝေဖန်သူများ က ခန့်မှန်းပြောဆိုနေပြီး စုံစမ်း စစ်ဆေးမှုကို တိကျစွာ လုပ်ကိုင် ရန် ထိုင်းရဲတပ်ဖွဲ့အား ဖိအားပေး လျက်ရှိသည်။
လူသတ်မှုဖြစ်ပွားပြီး နာရီ ပိုင်းအတွင်း ထိုင်းရဲတပ်ဖွဲ့သည် ကျွန်းပေါ်ရှိ မြန်မာရွှေ့ပြောင်း လုပ်သား အများအပြားကို ထိန်း သိမ်းခဲ့ပြီး အချို့သည် စစ်ဆေးမှုများအတွင်း ရုပ်ပိုင်းဆိုင်ရာ ညှဉ်းပန်းနှိပ်စက်မှုများခံခဲ့ရကြောင်း သတင်းများ ထွက်ပေါ်လာခဲ့ သည်။
ဖမ်းဆီးခံ မြန်မာများနှင့် ပတ်သက်၍ မကြာမီရက်ပိုင်းအ တွင်း မြန်မာနိုင်ငံသို့ လာရောက် လည်ပတ်မည့် ထိုင်းဝန်ကြီးချုပ် ဗိုလ်ချုပ်ကြီး ပရာယွတ်ချန်အို ချာနှင့် မြန်မာသမ္မတဦးသိန်းစိန် တို့၏ဆွေးနွေးပွဲတွင် ထည့်သွင်း ဆွေးနွေးမည်ဖြစ်ကြောင်း ဧရာဝတီသတင်းဌာနမှ သမ္မတရုံးညွှန်ကြားရေးမှူးဦးဇော်ဌေးကို ကိုး ကားပြီး ရေးသားခဲ့သည်။

အပြည့်စုံဖတ်ရန်>>>

တူရကီ-ဆီးရီးယား နယ်စပ်ရှိ အချက်အခြာကျသည့် ကိုဘာနီမြို့ကို IS တပ်ဖွဲ့များ ထိုးဖောက်ဝင်ရောက်

ကိုဘာနီမြို့အနီးတွင် လွှင့်ထူထားသော IS အလံကို တွေ့ရစဉ်

တူရကီနှင့် နယ်စပ်အနီးရှိ မဟာဗျူဟာအရ အချက်အခြာကျသော ဆီးရီးယားပိုင် ကိုဘာနီမြို့သို့ အစ္စလာမ်မစ် နိုင်ငံတော် (IS) စစ်သွေးကြွ တပ်ဖွဲ့များ စတင်ဝင်ရောက်နေကြောင်း သတင်းရရှိသည်။
ဆီးရီးယားရှိ ကာ့ဒ်တိုက်ခိုက်ရေးသမားများက မြို့ကို IS တပ်ဖွဲ့လက်အောက် မကျရောက်အောင် ပြင်းပြင်းထန်ထန် ခုခံ ကာကွယ်နေသဖြင့် မြို့တွင်း လမ်းမများတွင် တိုက်ပွဲများ ပြင်းထန်လျက် ရှိသည်။ IS တပ်ဖွဲ့သည် ရက်ပေါင်း အတော်ကြာ မြို့ကို ဝန်းရံထားပြီးနောက် အောက်တိုဘာ (၆)ရက်တွင် မြို့အရှေ့ပိုင်းမှ စတင်ထိုးဖောက်ရန် အားထုတ်လာခဲ့သည်။
ကိုဘာနီမြို့၏ အစိတ်အပိုင်း အချို့ကို IS တို့က သိမ်းယူထားပြီဟု ယူဆရပြီး အဝေးမှ ကြည့်ပါက မြို့၏ အထပ်မြင့် အဆောက်အအုံ အချို့နှင့် တောင်စောင်းနေရာများ အထက်တွင် IS အဖွဲ့၏ အနက်ရောင် အလံများ တလူလူ လွင့်ပျံနေသည်ကို တွေ့မြင်ရသည်။
IS တပ်ဖွဲ့များ ကိုဘာနီသို့ ဝင်ရောက်လာပြီးနောက် မြို့ခံ (၂၀၀၀)ကျော်မျှသည် တူရကီနှင့် နယ်စပ်ဒေသဘက်သို့ ထွက်ပြေးလာကြောင်း သိရသည်။ တူရကီ စစ်တပ်သည် ၎င်းတို့၏ နယ်ခြားဘက်ခြမ်းတွင် တင့်ကားများကို ခင်းကျင်း စောင့်ကြပ်နေပြီး IS တပ်ဖွဲ့များ တူရကီပိုင်နက်သို့ ကျူးကျော်လာနိုင်သည့် အခြေအနေကို ကြိုတင် ကာကွယ်ထားသည်။
IS အဖွဲ့အနေဖြင့် (၃)ပတ်ကျော် ဝန်းရံပိတ်ဆို့ထားသည့် ကိုဘာနီကို အပြီးသတ် သိမ်းပိုက်နိုင်ခဲ့ပါက ဆီးရီးယားနှင့် တူရကီ နယ်စပ်ရှိ ကျယ်ပြောသော အချက်အခြာ နယ်နိတ်မိတ်ကို ထိန်းချုပ်ခွင့် ရသွားမည် ဖြစ်သည်။ IS အဖွဲ့က ပိတ်ဆို့ထားသည့် (၃)ပတ်အတွင်း ကာ့ဒ်လူမျိုး အများစု အပါအဝင် လူပေါင်း (၁၆၀၀၀၀)မျှ မြို့ကို စွန့်ခွာ ထွက်ပြေးသွားပြီး ဖြစ်သည်။
ကိုဘာနီမှ ဒေသဆိုင်ရာ အရာရှိ တစ်ဦးဖြစ်သည့် အိုင်ဒရစ်နက်ဆန်းက ISတို့လက်သို့ မကြာမီမှာပင် တစ်မြို့လုံး ကျရောက်သွားတော့မည်ဟု BBC သို့ ဆက်သွယ် ပြောကြားထားသည်။ အောက်တိုဘာ (၇)ရက်တွင် IS အဖွဲ့သည် မြို့အတွင်းရှိ အဓိက မဟာဗျူဟာ တောင်ကုန်းဖြစ်သည့် မစ္စတားနားကို ထိန်းချုပ်ထားပြီ ဖြစ်ကြောင်း ဆိုသည်။ အဆိုပါ တောင်ကုန်းပေါ်မှနေ၍ IS တပ်ဖွဲ့က ကာ့ဒ်ခုခံရေးသမားများကို လက်နက်ကြီးများဖြင့် ပစ်ခတ်နေကြောင်း သိရသည်။
ဒေသဆိုင်ရာ ကာ့ဒ်အုပ်ချုပ်ရေးမှူး တစ်ဦးဖြစ်သည့် ကာဝမ်ဇီဘာရီက တူရကီ အစိုးရ အနေဖြင့် ထွက်ပြေးလာသော ကာ့ဒ်အနွယ်များကို အကူအညီ ပေးပါရန် ပန်ကြားထားသည်။ “လက်ရှိ အခြေအနေအတိုင်း ဆက်ဖြစ်နေပြီး နိုင်ငံတကာ အထောက်အပံ့လည်း မရှိဘူးဆိုရင် ကိုဘာနီမြို့နဲ့ ခုခံရေးတပ်ဖွဲ့ဟာ IS တပ်တွေလက်ထဲ လုံးဝ ကျရောက်သွားမှာပါ”ဟုလည်း ၎င်းက ဆိုသည်။
ကိုဘာနီမြို့ အနီးရှိ IS စစ်ကြောင်းများကို အမေရိကန်က ဗုံးကြဲ တိုက်ခိုက်နေပြီး ယခုသီတင်းပတ် အစောပိုင်းတွင် IS၏ ကင်းစခန်း နေရာနှစ်ခုကို အောင်မြင်စွာ ဖျက်ဆီးနိုင်ခဲ့ကြောင်း ကြေညာခဲ့သည့်တိုင် အဆိုပါ လေကြောင်း တိုက်ခိုက်မှုများသည် အမှန်တကယ် ထိရောက်မှု နည်းပါးနေဆဲဟု လေ့လာသူများက မှတ်ချက်ပြုထားသည်။

အပြည့်စုံဖတ်ရန်>>>

လိပ်ကျွန်း လူသတ်မှု စုံစမ်းရာမှာ အခက်ကြုံရကြောင်း မြန်မာအဖွဲ့ပြော

ကော်တောင် (လိပ်ကျွန်း) ကျွန်းပေါ် အခင်းဖြစ်ပွားရာသို့ မြန်မာအဖွဲ့ လေ့လာကြည့်ရှုစဉ် (ဓာတ်ပုံ – မင်းဦး / ဧရာဝတီ)

မြန်မာနိုင်ငံသား နှစ်ဦးကို လူသတ် တရားခံအဖြစ် ထိုင်းရဲက စွပ်စွဲထားတဲ့ လိပ်ကျွန်းလူသတ်မှုနဲ့ ပတ်သက်ပြီး စုံစမ်းမှုတွေ ပြုလုပ်ဖို့ မြန်မာအစိုးရက အထူးတာဝန်ပေးထားတဲ့ အဖွဲ့ဟာ အခင်းဖြစ်ပွားရာနေရာကို သွားရောက်ခဲ့ပေမယ့် သတင်းရင်းမြစ် တွေနဲ့ တွေ့ဆုံဖို့ ကြိုးစားရာမှာ အခက်အခဲတွေ ကြုံတွေ့ခဲ့ရတယ်လို့ ပြောပါတယ်။
မြန်မာအဖွဲ့ဟာ အခင်းဖြစ်ပွားခဲ့တဲ့ လိပ်ကျွန်းကို အောက်တိုဘာ ၇ ရက်နေ့ မနက်ပိုင်းမှာ ရောက်ရှိခဲ့ပြီး မူလက တွေ့ဆုံ မေးမြန်းမှုတွေ ပြုလုပ်ဖို့ ချိန်းဆိုထားတဲ့ မြန်မာရွှေ့ပြောင်း အလုပ်သမားအချို့ဟာ စိုးရိမ်မှုတွေကြောင့် မတွေ့ရဲကြသလို ဖုန်းအသိမ်းခံထားရမှုကြောင့် မတွေ့ဖြစ်ခဲ့သူတွေလည်း ရှိကြောင်း မြန်မာ အဖွဲ့ရဲ့ ရှေ့နေ ဦးအောင်မျိုးသန့်က ဧရာဝတီကို ပြောပါတယ်။
“ကျနော်တို့ရောက်သွားတဲ့အခါ မြင်ရတာက သမာရိုးကျမဟုတ်တဲ့ ပုံစံမျိုးတွေ့ရတယ်။ တချို့ကလေးတွေက အရင်ဖုန်းဆက်လို့ ရတယ်။ ကျနော်တို့ ရောက်လာတဲ့ အခါကြတော့ ဖုန်းဆက်လို့ မရဘူးဖြစ်သွားတယ်။ ကျနော်တို့ လိုက်စုံစမ်းတဲ့ အခါကြတော့ အဲဒီကလေးတွေရဲ့ ဖုန်းတွေကို ရဲတွေက သိမ်းထားတယ်လို့ ပြောပါတယ်” လို့ ရှေ့နေ ဦးအောင်မျိုးသန့် က ဧရာဝတီကို ပြောပါတယ်။
မြန်မာအစိုးရက အထူးတာဝန်ပေးထားတဲ့ အဖွဲ့မှာ ရှေ့နေ ဦးအောင်မျိုးသန့် အပါအဝင် ထိုင်းနိုင်ငံဆိုင်ရာ မြန်မာသံရုံး ဒုတိယ ကောင်စစ်ဝန် ဦးထွန်းအေးနဲ့ ထိုင်း ဥပဒေပညာရှင်တွေ၊ အလုပ်သမားရေး လုပ်ဆောင်သူတွေ စုစုပေါင်း ၉ ဦး ပါဝင်ကြောင်း သိရပါတယ်။
မြန်မာအဖွဲ့ဟာ လိပ်ကျွန်းပေါ်က အခင်းဖြစ်ပွားရာနေရာကို သွားရောက်လေ့လာမှတ်တမ်းယူခဲ့သလို လူသတ်တရားခံလို့ ထိုင်းရဲတွေက စွပ်စွဲခံထားရသူ နှစ်ဦးနဲ့ နီးစပ်သူ အချို့အပါအဝင် အမှုဖြစ်စဉ်ရဲ့ ကွဲလွဲချက်တချို့နဲ့ပတ်သက်ပြီး အထောက်အထား ရရှိနိုင်မယ့် မြန်မာရွှေ့ပြောင်း အလုပ်သမားတချို့နဲ့လည်း တွေ့ဖြစ်ခဲ့တယ်လို့ ပြောပါတယ်။
“ကျနော်တို့ တွေ့ဆုံမေးမြန်းခွင့်ရရှိခဲ့တဲ့ ကလေးတွေကတော့ စွပ်စွဲခံထားရတဲ့ ကလေးတွေ ပြစ်မှုကျူးလွန်တယ်ဆိုတာကို မယုံ မကြည်ဖြစ်နေကြတယ်” လို့ ဦးအောင်မျိုးသန့်က ပြောပါတယ်။
လိပ်ကျွန်းပေါ်မှာ ရှိတဲ့ ရဲတပ်ဖွဲ့တွေကတော့ မြန်မာအဖွဲ့တွေ သွားရောက်မှတ်တမ်းယူလိုတဲ့ နေရာတွေနဲ့ တွေ့ဆုံလိုသူတွေ ရှိရာကို လုံခြုံရေး တာဝန်ယူပေးသလို ပူးပေါင်းဆောင်ရွက်မှုတွေလည်း ရှိခဲ့တယ်လို့လည်း သိရပါတယ်။
ကျွန်းပေါ်မှာတွေ့ရှိခဲ့ရတဲ့ မြန်မာအလုပ်သမားတွေနဲ့ပတ်သက်ပြီးလည်း “ကလေးတွေရဲ့ အနေအထားကတော့ အားလုံးက အကြောက်တရား လွှမ်းမိုးခံနေရတယ်လို့ မြင်တယ်။ ဘာဖြစ်လို့လည်းဆိုတော့ ဒီမှာ ကြီးစိုးတဲ့ ထိုင်းလူကြီးတွေရှိနေတဲ့အပြင် ရဲကလည်းရှိနေတယ်ဆိုတော့ တော်ရုံ မပြောရဲ၊ မဆိုရဲပဲ ခိုင်းတာလုပ်ဆိုတဲ့ ပုံစံတွေ့ခဲ့ရတယ်” လို့ ဦးအောင်မျိုးသန့်က သူ့အမြင် ကိုပြောပါတယ်။
မြန်မာအဖွဲ့ဟာ အခင်းဖြစ်ပွားခဲ့တဲ့ လိပ်ကျွန်းပေါ်မှာ စုံစမ်း မှတ်တမ်းယူမှုတွေပြုလုပ်ပြီး ဒီကျွန်းကနေ သုံးနာရီလောက် ရေလမ်းခရီးနဲ့သွားရတဲ့ ကော့စမွေကျွန်း ကို ညနေပိုင်းမှာ ပြန်လည်ထွက်ခွာခဲ့ပါတယ်။
မနေ့ကလည်း ကော့စမွေ အကျဉ်းထောင်မှာ တရားခံ အဖြစ်စွပ်စွဲ ဖမ်းဆီးခံထားရတဲ့ မောင်ဝင်းဇော်ထွန်းနဲ့ မောင်ဇော်လင်းတို့ နှစ်ဦးကိုလည်း တွေ့ဆုံမေးမြန်းမှုတွေ ပြုလုပ်ခဲ့ပါတယ်။ ဒါပေမယ့် ဒီအခင်းဖြစ်ပွားမှုနဲ့ ပတ်သက်ပြီး တရားလိုပြသက်သေ အဖြစ်တဲ့ မောင်မောင်နဲ့တော့တွေ့ခွင့်မရခဲ့ပါဘူး။
ခရီးစဉ်မှာရရှိခဲ့တဲ့ အချက်အလက်တွေနဲ့ အခက်အခဲ ရှိနေမှုအချို့ကို ပြုစုပြီး ခရီးစဉ်ကို ညွှန်ကြားခဲ့တဲ့ နေပြည်တော်က တာဝန် ရှိသူတွေကို ထိုင်းနိုင်ငံဆိုင်ရာ မြန်မာသံရုံးကတဆင့် ပို့ဆောင် တင်ပြမှာဖြစ်ကြောင်း ဒိမတိုင်မီမှာ ဖြစ်စဉ်အတွက် အရေးကြီးတဲ့ တရာလိုပြ သက်သေ မောင်မောင်နဲ့ တွေ့ဆုံဖို့ကိုလည်း ကြိုးစားသွားမှာဖြစ်တယ်လို့ဆိုပါတယ်။

အပြည့်စုံဖတ်ရန်>>>

‘ကလေးတွေကို အခမဲ့ အချိန်ပို သင်ပေးခဲ့ပါတယ်။ ကျောင်းတက်ချိန်က မနက် ၉ နာရီ၊ ကျွန်တော်က ၆ နာရီခွဲကစပြီး သင်ပေးတယ်’’

ဆရာဦးသန်းလှိုင် (ဓာတ်ပုံ − မင်းသားလေး)

၂၀၁၄ ခုနှစ် အောက်တိုဘာ ၅ ရက်သည် ကမ္ဘာ့ဆရာများနေ့ဖြစ်ပါသည်။ ထိုနေ့အခမ်းအနားတွင်လည်း နာငါးနာနှင့် ပြည့်စုံမှုတို့ကြောင့် နိုင်ငံတော်မှ လူမှုထူးချွန်ဆု ချီးမြှင့်အပ်နှင်းခြင်း ခံရသူ ဆရာသုံးဦး ပေါ်ထွက်လာခဲ့ရာ ဆရာဦးသန်းလှိုင်သည်လည်း တစ်ဦးအပါအ၀င်ဖြစ်ခဲ့ပါသည်။
ဆရာဦးသန်းလှိုင်သည် စစ်ကိုင်းတိုင်းဒေသကြီး ချောင်းဦးမြို့နယ် ဆူးလေကုန်းကျေးရွာတွင် တာဝန်ထမ်းဆောင်ရင်း မြောင်မြို့နယ် အုန်းနှဲဘုတ်ကျေးရွာသို့ ပြောင်းရွှေ့ခဲ့ရသည်။ ပြောင်းရွှေ့ချိန်တွင်၎င်း၏ တပည့်များသာမက ကျောင်းသားမိဘများကပါ လာရောက်နှုတ်ဆက်ကြရင်း ဆရာတစ်ယောက်ဆုံးရှုံးမှုကို ခံစားရသော တပည့်များနှင့် မိဘများ၏ နှုတ်ဆက်ဝမ်းနည်းငိုကြွေးမှု ဓာတ်ပုံများ ဖေ့စ်ဘွတ်ခ်လူမှုကွန်ရက်မှတစ်ဆင့် ပျံ့နှံ့သွားခဲ့ရာမှ ထင်ရှားလာခဲ့သူဖြစ်ပါသည်။
ဆရာဦးသန်းလှိုင်နှင့် တွေ့ ဆုံခိုက် မေးမြန်းဖြစ်ခဲ့သည်များကို 7Day Daily ပရိသတ်များထံ ပြန်လည်မျှဝေလိုက်ရပါသည်။
ကမ္ဘာ့ဆရာများနေ့မှာ အခုလိုလူမှုထူးချွန်ဆုချီးမြှင့်ခြင်းခံရတဲ့အတွက် ဖြစ်ပေါ်လာတဲ့ ခံစားမှုကို ပြောပြပေးပါဆရာ။
ကျွန်တော့်ရဲ့ မေတ္တာ၊ စေတနာနဲ့ လုပ်ဆောင်ချက်တွေဟာ ကျွန်တော့်အတွက် မှန်ပမာ ရောင်ပြန်ဟပ်တယ်လို့ ခံစားရပါတယ်။  ကမ္ဘာ့ဆရာများနေ့မှာ တွေ့ရတဲ့ ဆရာကြီးတွေကို စံနမူနာယူပြီး တိုးတက်အောင် လုပ်ဆောင်သွားပါ့မယ်။ ကျွန်တော်နဲ့ ဘ၀တူဆရာများကိုလည်း ဒီလိုလုပ်ဆောင်ပြီး ဆုတွေ၊ အောင်မြင်မှုတွေရစေချင်ပါတယ်။
အခုတစ်လောဆရာ့အကြောင်းတွေ ဖေ့စ်ဘွတ်ခ်လူမှုကွန်ရက် မှာ တော်တော်တွေ့ရတယ်။ ဆရာ့ကို ၀ိုင်းပြီး ဂုဏ်ပြုအမွှမ်းတင်ကြတယ်။ အဲဒီအပေါ်မှာ ဆရာ ဘာများပြောချင်ပါသလဲ။
ကျွန်တော်ကျောင်းဆရာ စ ဖြစ်တာကတော့ ၁၉၉၂ ခုနှစ်ကပါ။ ဆရာစဖြစ်တဲ့ အချိန်ကစပြီး အရင်းခံကတော့ မေတ္တာတရား ပေ့ါနော်။ စာအုပ်စာပေတွေ စဖတ်ခဲ့ပါတယ်။ ကျောင်းသုံးကျောင်းမှာ တာဝန်ထမ်းဆောင်တော့ အရင်ဆုံးတာဝန်ထမ်းဆောင်ခဲ့တာက စစ်ကိုင်းတိုင်း ဒေသကြီး ပင်လယ်ဘူးမြို့နယ် အလကတောင်တောမှာ မူလတန်းကျောင်းဆရာပေါ့နော်။ အဲဒီမှာ စပြီး စာသင်ခဲ့ရပါတယ်။ တောင်တောကျောင်းက ကျွန်တော့်ရဲ့ တပည့်တွေကလည်း ကျွန်တော့်ရဲ့ မေတ္တာဖြင့် သင်ကြားပို့ချပေးခဲ့မှုကြောင့် ကျောင်းပြောင်း နှုတ်ဆက်တဲ့အချိန်မှာလည်း ခုလိုပဲ ငိုကြွေးနှုတ်ဆက်မှု တွေ့ကြုံခဲ့ရပါတယ်။ နောက်တစ်ကျောင်းကတော့ ချောင်းဦး မြို့နယ် အမက ဗုံတိုဆိုတဲ့ ကျောင်းလေးကို ကျွန်တော် ရောက်ခဲ့ပါတယ်။ အဲဒီကျောင်းလေးကိုလည်း တကယ့်ကို ကျွန်တော့်ရဲ့ အိမ်လေးပမာ သဘောထားပြီး ပြုစုပျိုးထောင်ခဲ့ပါတယ်။ တပည့်တွေကိုလည်း မေတ္တာတရားရှေ့ထားကာ သင်ကြားပေးခဲ့ပါတယ်။ နောက် ရောက်ခဲ့တာကတော့ အမက ဆူးလေကုန်းပါ။ အလယ်တန်းပြ ဆရာအနေနဲ့ ရောက်ခဲ့ပါတယ်။
ကလေးတွေကို ပညာရေးအနေနဲ့ အခမဲ့အပိုချိန် သင်ကြားပေးခဲ့တာတွေလည်းရှိတယ်လို့သိရတယ်။ အဲဒီအကြောင်းလေး ပြောပြာပေး ပါဦးဆရာ။
ရွာမှာရှိတဲ့ လူမှုရေးအသင်းလေးနဲ့ ကျွန်တော် တော်တော်လေးကို ပါဝင်လုပ်ဆောင်ခဲ့သလို အဲဒီရွာမှာ ကလေးတွေကို အခမဲ့ အပိုချိန်သင်ပေးခဲ့ပါတယ်။ ကျောင်းတက်ချိန်က မနက် ၉ နာရီ။ ကျွန်တော်က မနက်မိုးလင်း ၆ နာရီခွဲကစပြီး သင်ပေးတယ်။ ကလေးတွေက ဝေလီဝေလင်းဆိုတာနဲ့ ရောက်လာပါတယ်။ ဘယ်အတန်းလာလာ လာတဲ့ကလေးကို သင်ပေးပါတယ်။ ညနေ ၃ နာရီခွဲ ကျောင်းဆင်းတဲ့အခါ တစ်နာရီအနားပေးတယ်။ ကလေးတွေ ကိုယ်လက်လှုပ်ရှားမှု လုပ်ဖို့ပါ။ အားကစားလုပ်ခိုင်းတယ်။ ညနေ ၄ နာရီခွဲမှာ မူလတန်း အထက်ဆင့် သုံးတန်းနဲ့ လေးတန်းကို စာသင်ပေးပါတယ်။ ညနေ ထမင်းစားချိန်ဆို ရွာက လာပို့ပေးတယ်။ ညမှာ ၆နာရီခွဲ၊ ၇နာရီကနေ ၉နာရီအထိ ရွာကမီးပေးတယ်။ မီးပေးတဲ့အချိန် မူလတန်း အထက်ဆင့်၊ အလယ်တန်းနဲ့ အထက်တန်းအားလုံးကို စာဖတ်ဝိုင်းလေးလုပ်ပေးတယ်။ အဲဒီ စာဖတ်ဝိုင်းလေးလည်း အောင်မြင်ခဲ့ပါတယ်။
ဆရာ့အနေနဲ့ တခြား ဘာများပြောချင်ပါလဲ။
ဆရာဆိုတာ မေတ္တာရှင်၊ အကြင်နာ၊ မုဒိတာရှင်၊ စေတနာရှင်၊ ၀ါသနာရှင်ဆိုတဲ့အတိုင်း လုပ်ဆောင်မယ်ဆိုရင် တိုးတက်လာမှာပါ။ ကျွန်တော်နဲ့ ဘ၀တူ ဆရာ၊ ဆရာမများအနေနဲ့ ကိုယ် တာဝန်ကျရာ ဒေသမှာ အားတက်သရော ဆောင်ရွက်ကြမယ်။ ကျောင်းသားတွေ၊ မိဘတွေကို နွေးထွေးတဲ့ မေတ္တာတွေ ပေးမယ်ဆိုရင် မေတ္တာတရားရှေ့ထားပြီး သင်ကြားပေးမယ်ဆိုရင် အောင်မြင်မှာ လက်ခတ်မလွဲပါပဲ။

အပြည့်စုံဖတ်ရန်>>>